En il center stattan persunas sur 65 onns u er pli giuvnas cun ina ristga pli gronda pervia da malsognas pre-existentas e dunnas en speranza. Il center da booster sa chatta tar la halla da la citad e vegn avert ils 11 d'october, mintgamai da mardi fin sonda – tranter las 10 e las 6.
Il BAG quinta per l'atun puspè cun in augment da las infecziuns. La situaziun saja dentant fitg differenta, en cumparegliaziun cun ils davos dus envierns, scriva il chantun. Actualmain hajan radund 97% da la populaziun anticorpuls cunter il coronavirus, saja quai pervi da la vaccinaziun u perquai ch'els èn guarids da la malsogna. Uschia dettia per persunas senza facturs da risico in pitschen ristg d'in grev decurs da la malsogna.
