Il chantun Grischun na duai betg perder persunal tar il corps da guardias cunfin, quai pretenda la deputada da la PLD Brigitta Hitz-Rusch. Cunquai che la Confederaziun planiseschia da spargnar 60 milliuns francs e veglia bajegiar giu entaifer ils proxims dus onns radund 500 enfin 700 plazzas, sa defenda Hitz-Rusch cun ina iniziativa dal chantun che vegn inoltrada a l’Assamblea federala. Las deputadas ed ils deputads dal Cussegl grond han cun 104 vuschs e 6 abstenziun sustegnì l'iniziativa da Brigitta Hitz-Rusch. Ed er la regenza è sa mussada pronta da surpigliar l'incumbensa.
RR novitads 09:00