Crusch Cotschna - Sustegnì 1'700 famiglias en Grischun

La secziun grischuna da la Crusch Cotschna Svizra ha sustegnì l'onn passà bun 1'700 famiglias finanzialmain. Prest 1'000 persunas han survegnì cussegliaziuns spezialisadas e dapli che 2'800 pazientas e pazients han pudì far ergoterapia. A chaschun da la radunanza generala ha il president Hans Geisseler era accentuà l'impurtanza da la lavur da voluntaris. L'onn passà han radund 500 persunas sustegnì la secziun grischuna da la Crusch Cotschna cun 30'000 uras da lavur.