En il rom dal program da turissem dal Grischun 2014 fin 2021 stattan a disposiziun 21 milliuns francs per projects turistics innovativs. Plirs projects èn vegnids inoltrads ed acceptads. 14 milliuns francs stattan anc a disposiziun. Il president dal cussegl turistic Ernst A. Brugger avess quintà cun dapli projects.
As dasdai, qua gira insatge! Vus manchentais il tren.
I haja dà blers buns projects ch'ins haja era pudì sustegnair. Ma els hajan spetgà dapli, quai conceda Brugger avertamain.
Tesas duain mussar la via
Il cussegl turistic mussa cun ses cudesch programmatic la via tar in turissem innovativ cun differentas tesas. Tranter quellas è per exempel la focussaziun pli ferma sin products ni arranschaments.
Las tesas na sajan però betg recepts, plitost ina sort cumpass. Il cudesch vegn distribuì a las destinaziuns, las vischnancas e las interpresas turisticas. Il cussegl turistic vul era organisar occurenzas en las destinaziuns per discutar il cudesch programmatic e las propostas.
RR novitads 12:00