Köbi Gantenbein dì sin la dumonda sch'el saja anc inamurà en la vischnanca da Malans ch'ins n'emblida mai l'amur alpina. L'autur è creschì si là ed ha passentà ina bella uffanza e temp da scola. Pli tard é el stà per blers onns il schefredactur da la revista «Hochparterre». En ses cudesch scriva el davart il svilup a Malans, per exempel ils pretschs da terren: pli baud var 20 francs per meter quadrat, uss var 2'000 francs. Ed a Malans abitan las singulas persunas sin grondas surfatschas. Tenor Köbi Gantenbein sajan quai ozendi 50 meters quadrat per mintga persuna, per uffantins e pli vegls e veglias.
Nus nudain en bainstanza.
Sin questa ritgezza guarda el en ses cudesch cun in egl critic. Dentant resta Malans per Köbi Gantenbein en buna memoria, sco ina vischnanca veglia ed idillica – questa na datti us betg pli en questa furma.