Accidents, malsognas u difficultads cun il sien d’enviern pon metter erizuns en miseria. Per quest cas datti a Cuira en las localitads da la chasa d’animals «Arche» ina staziun d’erizuns che porscha plazza per fin 30 pazients pitschens.
In indizi ch'in erizun dovra agid pudess esser per exempel sch'el è fitg satigl, ha evidentamain ina blessura u sch'el è en viadi durant il di. Quai possia dentant capitar l'atun, perquai ch'ils animals ch'èn uschiglio activs durant la notg ston da quest temp mangiar dapli per far avunda reservas da grass per l'enviern. En cas da dubi cusseglia Silja Patt, la co-manadra da la chasa d'animals Arche, da s'annunziar en mintga cas tar la staziun d'erizuns.
-
Bild 1 von 4Legenda: In pazient tar ses past. Tierheim Arche -
Bild 2 von 4Legenda: Erizuns giuvens dovran mintga duas uras in past spezial. Per pudair pavlar els er durant la notg, prendan ils collavuraturs els cun els a chasa. Tierheim Arche
-
Bild 3 von 4Legenda: Silja Patt, la co-manadra da la chasa d'animals Arche a Cuira. RTR
-
Bild 4 von 4Legenda: Las boxas per ils erizuns en la staziun. RTR
Là survegnan ils erizuns in provediment medicinal ed in lieu per sa recrear. In pèr restian be per intgins dis, auters per plirs mais. Apaina ch’els sajan puspè saun na saja normalmain nagin problem da puspè manar ils erizuns enavos en lur lieu d’origin.