Dus umens èn vegnids blessads grevamain da persunas nunenconuschentas la notg sin dumengia. Quai scriva la Polizia chantunala.
La polizia da Cuira ha chattà ils dus umens grev-blessads, in da 22 onns ed in da 23 onns en il Welschdörfli enturn las 03:00 la bun'ura. Sinaquai èn els vegnids transportads en l'ospital. Ils delinquents sajan fugids cun in auto. La polizia da Cuira tschertga perditgas.