Il glindesdi suentermezdi è il chatschader crudà sin via tar sia chamona. El è mort en consequenza da sias blessuras.
Ensemen cun ses collega da chatscha vuleva l'um da 68 onns descender dals Chaus da Spundis sur il territori Nesselböden tar sia chamona. Tenor las emprimas inquisiziuns da la polizia è il chatschader crudà en in lieu stretg ed è crudà radund 80 meters d'in couloir engiu. Latiers è el sa blessà mortalmain.
Ensemen cun la procura publica investighescha la polizia chantunala il motiv da la crudada.