A Cuira ha in chaun fatschentà mardi suentermezdi la polizia e franà il traffic sin l'autostrada A13. Suenter ch'il chaun da la razza «levrier» è scappà ha el procurà per confusiun sin las vias da Cuira, e suenter sin l'A13. Collisiuns cun vehichels n'haja betg dà, scriva la Polizia da la citad da Cuira.
Suenter var duas uras èsi lura gartegià ad ina patruglia da la Polizia chantunala da tschiffar il malfatschent. Quel è sa blessà levamain durant sia fugia.