Cuira - Duas persunas blessadas pervi da fieu en ina cuschina

Pervi d'in brischament en ina cuschina d'ina chasa da pliras famiglias a Cuira èn duas dunnas vegnidas blessadas. Ils pumpiers han gì spert sut controlla il brischament. Cumenzà ad arder haja probabel perquai ch'il cuntegn d'ina chazzetta haja piglià fieu, ha communitgà la Polizia chantunala. Ina da las abitantas è vegnida transportada en l'ospital pervi d'arsentadas e l'autra pervi d'ina tissientada da gas pussaivla.