Suenter ina lunga pausa da corona curseschan ils bus da notg dals Bus da Cuira e dals Bus d'Engiadina puspè tenor l'urari. Quai a partir da venderdi ils 2 da fanadur. Quai scriva la Bus und Service SA.
L'obligatori da mascras en ils bus vala dentant vinavant, sulet a las fermadas na ston ins betg pli purtar mascrina, sch'ins vegn da tegnair 1,5 meters distanza.
Las lingias da notg dal Bus da Cuira van direcziun Tusaun, Signuradi e Sargans e Tavau (ordaifer da Cuira vala per part in obligatori da reservaziun):
- N1 Cuira – Razén – Tusaun – Fürstenau
- N3 Cuira – Vaz Sut (notgs venderdi/sonda e sonda/dumengia)
- N13 Cuira – Landquart – Maiavilla (notgs venderdi/sonda e sonda/dumengia)
- N30 Cuira – Bogn Ragaz – Sargans – Buchs – Gams (notgs venderdi/sonda e sonda/dumengia)
- N32 Cuira – Vaz Sur – Landquart – Maiavilla (notgs dumengia/glindesdi fin gievgia/venderdi)
- N33 Cuira – Landquart – Tavau – Landquart – Cuira (notgs venderdi/sonda e sonda/dumengia)
En Engiadin'Ota datti la purschida da notg sin las suandantas lingias:
- 10 Cinuos-chel – Samedan – Puntraschigna
- 10 Puntraschigna – Samedan – Cinuos-chel
- 10 Puntraschigna – San Murezzan – Malögia
- 10 Malögia – San Murezzan – Samedan – Puntraschigna
audio
Per tadlar: Las novitads da las 18:00
ord RTR Audio dals 29.06.2021.
laschar ir. Durada: 4 minutas 21 Secundas.