Las vias da Cuira èn dapli ils 26 da November puspè decoradas cun stailas e chadainas da glischs e dapertut èn da vesair pignols da Nadal illuminads en tuttas colurs pussiblas. Dad installar questa decoraziun da Nadal en las giassas da Cuira, saja per la cussegliera da la citad Sandra Maissen suenter quest onn grev, zunt impurtant.
Cun l'illuminaziun da Nadal vulain nus crear ina bella atmosfera festiva per il temp da Nadal e far plaschair a la glieud
Tut las installaziuns da glisch custan dentant blers raps. Cuira sco citad d'energia certifitgada sto pia era tar l'illuminaziun da Nadal resguardar la durabilitad. La citad da Cuira lavura tar l'illuminaziun ensemen cun l'IBC, l'interpresa respunsabla per il provediment d'aua, chalur ed electricitad a Cuira. Els hajan chattà ina buna soluziun:
Tras il diever da glischs da LED vegn duvrà bler pli pauca energia e la polluziun luminusa è era vegnida reducida considerablamain
Pervia da questa midada sin glischs da LED hajan els era pudì spargnar gia blers raps. Uschia pensa Sandra Maissen, ch'els sajan sin ina buna via era areguard la durabilitad.
Tge di la glieud da l'illuminaziun da Nadal a Cuira?
Qua sa spartan las opiniuns, ils ins dian ch'i saja fitg bel e romantic:
auters n'èn dentant betg uschè fascinads da la decoraziun da glischs a Cuira:
Ed era decorar sez a chasa na fan betg tuts gugent. Ils ins na vulan insumma betg decorar, ils auters be cun chandailas, ed auters pachetan ora entiras chadainas da glischs.