L’Uniun Pedagogica Rudolf Steiner Grischun ha stuì annunzià concurs. Quai conferma l’anteriura presidenta Anica Stüssi sin dumonda dad RTR.
L’Uniun manava dapi tschintg onns ina gruppa da gieu ed ina gruppa da geniturs ed uffants a Cuira. Al l’entschatta avevan els era anc ina scolina privata renconuschida dal chantun. Quella ha dentant stuì serrar suenter be in onn.
Perquai che las donaziuns sajan idas enavos ed i n'haja betg pli dà avunda annunzias, hajan els stuì decider da chalar cun la purschida. Ils var 12 uffants han ussa la pussaivladad dad ir en in’autra gruppa da gieu privata ch’instruescha suenter las ideas da Rudolf Steiner.