Siglir tar il cuntegn

Header

video
Il grond kino al vest da Cuira avra las portas
Or da Telesguard dals 27.10.2022.
laschar ir. Durada: 2 minutas 53 Secundas.
cuntegn

Cuira Il kino cun la pli gronda taila dal grischun ha avert las portas

Sonda ils 29 d'october ha il grond kino a Cuira vest avert sias portas per il public cun ina festa d'avertura. Il nov kino, ch'è sper il center da cumpra City West, ha otg salas da kino cun tecnologia moderna, tranter auter cun la pli gronda taila da la regiun ed ina sala da luxus cun giascheras. Sper las otg salas da kino datti sin totalmain 12'000 m² er differentas offertas sco in restaurant, ina bar da sport ed in Club.

audio
Impressiuns da l'avertura
ord Actualitad dals 29.10.2022.
laschar ir. Durada: 3 minutas 48 Secundas.

La fasa da construcziun

Ils profils per la construcziun dal cumplex da kino eran gia mess si il december 2016. Recurs han tratg a la lunga il project. La fin settember han ils responsabels vis glisch a la fin dal tunnel, era sch'els avevan anc in pau lavur fin l'avertura. RTR haveva visità il plazzal:

video
Construcziuns dal kino a Cuira vest
Or da Telesguard dals 21.09.2022.
laschar ir. Durada: 3 minutas 6 Secundas.

Endadens devi dentant anc in zic da far, ha il manader dal project Patrick Schnyder detg. Grégoire Schnegg, il manader da Blue Cinema, era anc suenter tut quels onns cun sfidas persvadì d'avair elegì l'endretg lieu per quest grond kino. Era a la gronda purschida ch'il kino da Cineplexx a Hohenems en l'Austria porscha vegnian els da tegnair pitg.

audio
Stan da las lavurs en il kino a Cuira la fin settember
ord Actualitad dals 21.09.2022.
laschar ir. Durada: 2 minutas 43 Secundas.

Ed insatge unic è, tenor il manader da Blue Cinema, la terrassa sin il tetg dal bajetg. Là na pon las visitadras ed ils visitaders betg mo guardar in film sut tschel avert (la lubientscha per gliez manca fin ils 30.10), mabain era star da cumpagnia vid ina bar.

Er uschiglio havevan ils patruns da construcziun fatg concessiuns als vischins ch'han fatg recurs. Il kino sto metter a disposiziun pliras plazzas da parcar als vischins.

Or da l'archiv: Kinos en il Grischun

RTR actualitad 17:00

Artitgels legids il pli savens

Scrollar a sanestra Scrollar a dretga