Enturn las 18:30 hajan ins survegnì l'annunzia, ils pumpiers hajan pudì stizzar il fieu entaifer ina mes'ura. Ils abitants e las abitantas da pliras abitaziuns han ins evacuà e purtà en segirtad. Grazia in grond dumber da pumpiers ed ulteriuras forzas d'intervenziun e gidanters han ins pudì evitar mender. Blessà saja nagin, ha communitgà la Polizia chantunala sin dumonda dad RTR.
Pudì turnar en las abitaziuns
Il donn material munta a plirs tschient milli francs. Anc la medema saira han ils avdants, auter quels da l'abitaziuns nua ch'i ha brischà, pudì turnar en lur abitaziuns. Daco ch'i ha cumenzà ad arder n'è anc betg cler, la polizia chantunala è vida las investigaziuns.