Cuira - Martina Nett Schatz nov en il parlament communal

A Cuira datti ina midada en il parlament communal. A partir da l'october è Martina Nett Schatz nov cussegliera communala. Ella succeda ad Adrian Meier, ch'ha demissiunà sin la fin da settember suenter 10 onns en il parlament da Cuira. A Cuira vala la regla, che la persuna da la medema glista ch'aveva las pli bleras vuschs tar las ultimas elecziuns, succeda en cas d'ina demissiun aifer la legislatura. Suenter che Mathias J. Balzer ha desistì, ha ussa Martina Nett Schatz da la glista libra e dals Verds il dretg d'entrar il parlament. Las proximas elecziuns èn lura il 2024.