La staziun da Cuira ha ina nova illuminaziun. La nova illuminaziun cun glischs da LED empermettia da spargnar var 70% da l'energia cumpareglià cun l'illuminaziun veglia, scriva la Viafier retica. Quai correspundia a l'energia che var 60 chasadas dovrian en in onn, hai num vinavant en la communicaziun. Plinavant possian er ils custs da mantegniment vegnir reducids per 75%. Uschia quintan ins da pudair spargnar mintga onn fin a 75'000 francs. Ils custs da la nova illuminaziun muntan a 727'000 francs.
Realisà il project han la Viafier retica, las Viafiers federalas svizras e la citad da Cuira en collavuraziun cun l’interpresa d’energia da Cuira (IBC) e la firma 2e elektro engineering.
Ord l'archiv
audio
La funtauna da glisch LED
ord Il chavazzin dal di dals 24.08.2018.
Maletg: Keystone
laschar ir. Durada: 2 minutas 43 Secundas.
RTR novitads 14:00