Dumengia da mezdi hai dà ina dispita violenta amez la citad da Cuira. Quai conferma la Polizia chantunala envers RTR. Forzas da la polizia chantunala e da la polizia da la citad hajan chattà enturn las 12:30 ina persuna cun blessuras tar l'Engadinstrasse.
La persuna saja vegnida transportada en l'ospital. La raschun e tgi ch'è tut sta involvà en questa dispita vegn uss intercurrì da la polizia chantunala. Quant grev che la persuna è vegnida blessada n'ha la polizia betg ditg. Er davart la raschun per la dispita - e tgi ch'è tut stà involvì – n'ha ella anc tradì nagut.
audio
Per tadlar: las novitads da las 17:00
ord RTR Audio dals 25.06.2023.
laschar ir. Durada: 2 minutas 57 Secundas.