Donn saja però stà il dumber reducì dals stans. Ils megliers temps sajan quai stads 40 – quest onn be 30. Intgins affars n'hajan betg survivì la crisa da corona.
Uschia èsi stà a Genevra, Basilea e Berna
Dapli giasts da la Spagna e l'Italia dumbran ils organisaturs dal martgà da Nadal a Basilea. Quels tutgan tar ils radund 1 milliun giasts sin il Barfüsserplatz ed il Münsterplatz quest onn. Ed a Genevra èsi stà en tut 400'000 visitadras e visitaders, l'aura è stada il sulet aspect negativ, dian ils organisaturs. Cuntents èn era ils organisaturs dal martgà da Nadal a Berna cun la svieuta cumparegliabla cun avant la pandemia.