La Polizia chantunala tschertga perditgas en cas d'in automat donnegià. Glindesdi enturn las 04:00 da bun'ura è quel vegnì siglientà cun pirotecnica a Cuira vest. Quai scriva la Polizia chantunala en ina communicaziun a las medias.
Il donn material munta a 200'000 francs. I manca era daners da l'automat. La cumpetenza poliziala-giuridica tar delicts cun material explosiv giascha tar la Procura publica federala.