Siglir tar il cuntegn

Header

cuntegn

Cultura Tavau vul sa posiziunar er sco lieu da cultura

Tavau vul sa posiziunar er sco lieu da cultura. Per far quai han la regenza ed il parlament deliberà ina strategia da cultura. Cun quella duessan vegnir resguardads tut ils represchentants da la scena culturala. Ursin Widmer è dapi il schaner il manader dal post creà da nov.

Ursin Widmer da Favugn è l'emprim manader dal post da cultura a Tavau. Suenter ina restructuraziun da la cultura a Tavauy, è ina gruppa da lavura d'experts vegnida a la conclusiun da crear in agen uffizi per la cultura. Suenter ina pausa pervi da la pandemia, duess a partir da l'entschatta da l'onn vegnir professiunalisada la cultura da Tavau.

audio
Ursin Widmer raquinta davart il nov post da manader da cultura
ord Actualitad dals 29.03.2023. Maletg: RTR
laschar ir. Durada: 4 minutas 11 Secundas.

Post central per tut las dumondas da cultura

Ursin Widmer
Legenda: Ursin Widmer Il manader dal post da cultura novstgaffì a Tavau. RTR, Toni Poltera

La basa per la lavur furma la strategia da cultura elavurada. En in'emprima fasa duain enfin il 2026 vegnir rimnadas experientschas e natiralmain posiziunà la cultura. Ursin Widmer saja conscient ch'il post è er in lieu da cussegliaziun per tut las dumondas e ch'il spagat tranter la radiaziun internaziunala, per exempel d'in Museum Kirchner e l'impurtanza locala dal chor da jodlar, è grond. «Quai è exact quai che ma plascha» tradescha Widmer. Er è el persvas che sport, economia e cultura sa cumplementeschan a Tavau. E ch'il turissem profitescha da la cultura e viceversa saja uschè u uschia evident, resumescha Widmer sia lavur.

RTR actualitad 17:00

Artitgels legids il pli savens

Scrollar a sanestra Scrollar a dretga