Siglir tar il cuntegn

Header

video
Dis d'acziun cunter violenza a chasa
Or da Telesguard dals 25.11.2019.
laschar ir. Durada: 5 minutas 14 Secundas.
cuntegn

Cumbat cunter violenza a chasa Cumenzament dals dis d'acziun a Cuira

La saira han ins repartì chandailas als passants en la via da la posta a Cuira. Suenter han ins er anc chantà chanzuns ch'èn vegnidas cumponidas aposta per ils «orange days».

Tras l'acziun a Cuira vulan ins far attent sin la violenza encunter dunnas e mattas. Ins vul che la glieud discurra dapli sur dal tema ch'è enfin oz in tema da tabu. Enturn 30 persunas èn sa participadas a l'acziun cun chandailas. Quai saja però be il cumenzament, di Anna Seraina Arquint, manadra dal project. La finamira saja d'illuminar l'onn proxim l'entira citad da Cuira en oransch.

La colur oranscha è vegnida tschernida per ils dis cunter la violenza, perquai che oransch è la colur dal desideri per in mund senza violenza.

audio
Saira: Dis cunter violenza: live dal stan d'infurmaziun a Cuira
ord Actualitad dals 25.11.2019.
laschar ir. Durada: 2 minutas 18 Secundas.

RTR actualitad 17:40

Artitgels legids il pli savens