- Al Gottard stagna il traffic en direcziun sid – la colonna è actualmain 4 kilometers lunga.
- Igl è da quintar cun bunamain 40 minutas dapli temp da viadi, quai scriva il TCS.
- Er en direcziun nord stagna il traffic per radund 2 kilometers.
Gia oz en damaun hai duvrà pazienza davant il tunnel dal Gottard. Las colonnas na sajan mai sa schliadas dal tut la notg sin sonda. Il servetsch da traffic recumonda da guntgir via l'autostrada A13 sin la ruta dal San Bernardino. Al portal dal sid dal Gottard, tranter Quinto ed Airolo, è la colonna actualmain 2 kilometers lunga. Quai correspunda ad ina perdita da temp da radund 25 minutas.
Perquai che las vacanzas da stad han cumenzà oz en 12 chantuns è il traffic vers il sid creschì. En il decurs da la fin d'emna stoppian ins quintar vinavant cun bler traffic, scriva il servetsch da traffic Viasuisse. Era ils eroports svizzers spetgian questa fin d'emna bleras passagieras e passagiers.