Siglir tar il cuntegn
Inhalt

Grischun Cumissiun attesta «communicaziun betg optimala»

Cun engrondir il Museum d'art dal Grischun è il squitsch sin il persunal sco era sin la direcziun creschì. Quai scriva la cumissiun da gestiun CdG dal Cussegl grond en ses rapport davart il dischurden enturn il Museum d'art avant in onn, quai rapporta la gasetta «Südostschweiz».

Participantas da la demo «Kunz(t) a Cuira.
Legenda: Participantas da la demo «Kunz(t) a Cuira. RTR, Lea Livers

Las novas sfidas n'aveva il museum betg propi resguardà en sias planisaziuns per mauns da l'Uffizi da cultura, hai vinavant num en il rapport. E la moda da communitgar dal minister da cultura Martin Jäger na saja la finala betg stada optimala.

Avant in onn è il museum d'art stà en las lingias grassas perquai ch'il schef dal departament da cultura, Martin Jäger, ha degradà il directur Stephan Kunz pervi da manglaments operativs. Sin squitsch da la publicitad ha Jäger pauc pli tard puspè re-installà Kunz sco co-directur.

Nagin facit, mabain recumandaziuns

A la fin dal rapport fa la cumissiun da gestiun dal Cussegl grond pliras recumandaziuns co agir meglier en futur. Incumbensas ad experts externs duessan vegnir fatgs a scrit. E lura duessan lur rapports era vegnir formulads en scrit. Plinavant ston ins a midadas organisatoricas dar ina paisa adequata – e quai intern sco era extern.

RR novitads 08:00