Il chantun Grischun vul proteger meglier scolaras e scolars cunter abus sexual e cunter abus general. Perquai ha il Departament d’educaziun, cultura e protecziun da l’ambient adattà il process d'engaschament da scolastas e scolasts.
Concret stoppian las scolas pretender da scolasts che vegnian engaschads da nov in extract dal register penal ed in extract privat spezial. Quel infurmescha, sch’igl è scumandà a la candidata u al candidat d’exequir in’activitad cun persunas minorennas u cun autras persunas cun in basegn da protecziun spezial.
Ord l'archiv
«Pedofilia? Na, quai na datti betg tar nus.» En la documentaziun «zona grischa» tschantschan differents protagonists sur da pedofilia en il Grischun e mussan cun quai, che quella construcziun «quai na datti betg tar nus» è faussa.
