En ina communicaziun crititgeschan las organisaziuns ch'ils projects da sport e cultura pudessan uschia vegnir giugads ora in encunter l'auter tar ina votaziun consultativa.
Tar ina votaziun consultativa cumbatta mintg'uniun per sasez.
Ina infrastructura confurma al temp saja da gronda impurtanza tant per il sport sco era per la cultura. Sch'i dettia sco pretendì dal parlament ina votaziun consultativa dal pievel, retardass quai massivamain las sanaziuns necessarias. Quai pudess avair consequenzas per las differentas uniuns. Tut tenor fissan ils manaschis dal mintgadi betg pli pussaivels.
Sch'il stadion da glatsch duess vegnir serrà, avess il EHC Cuira fadia da chattar in auter lieu per trenar e dar hockey.
Enstagl pledeschan las organisaziuns persuenter da tractar investiziuns futuras objectiv ed orientà a l’avegnir. Il parlament da Cuira decida en chaussa gievgia suentermezdi.
