Cunzunt per blers purs e puras èn lavurs en il guaud in'opziun da fadiar insatge supplementar durant il temp d'enviern. Ma las lavurs en il guaud èn malsegiras. Tenor la SUVA datti mintg'onn circa 1'700 accidents chaschunads da lavurs en il guaud.
Per che quai sa mida en il futur datti ils curs obligatorics per questas persunas. Quels cuzzan duas giadas 5 dis. En l'emprim emprendan ins la situaziun da standard da tagliar laina. En il segund curs emprendan las participantas ed ils participants dapli da situaziun spezialas – per exempel co tagliar ina planta ch'è en ina plaunca. La finamira principala dals curs è dentant ch'ins possia suenter valitar sez tge ch'ins è capabel da far e cura ch'i è pli perdert da clamar l'expert.
En il Grischun uschia sco uschiglio
Era en il chantun Grischun percorschan ins ch'ils curs èn tschertgads, dentant sumegliant sco auters onns. Tenor il Plantahof per exempel pudessian ins anc augmentar il dumber da curs, sche la dumonda fiss anc pli gronda.