Grischun - Curs gratuits per ir cun il mountainbike electric
Giasts da stad che vegnan en il Grischun cun velo da muntogna electric pon da nov far trenaments gratuits. Il chantun porscha questa stad var 50 curs da basa en differentas destinaziuns.
Il chantun porscha ils curs en il rom dal project grischunE-MTB. Cun quel vul il chantun promover l'ir cun e-bike da muntogna. Ils curs èn mintgamai la sonda avantmezdi tranter las 10 e las 11.30 e quai tranter auter a Cuira, Tavau, Lai, Flem, Savognin u er a San Murezzan. Ils participants survegnan ina introducziun davart il velo da muntogna electric e davart il sa cumportar sin las rutas signalisadas.
