Stefan Engler è vegnì elegì sco dumbravuschs suppleant dal Cussegl dals chantuns. En consequenza vegn il Grischun da 62 onns probablamain a daventar il december 2026 president dal Cussegl dals chantuns. Stefan Engler sesa dapi il 2011 en il Cussegl dals chantuns. Avant ès el stà cusseglier guvernativ dal Grischun.
Suenter bunamain 20 onns èsi tenor mai temp che in Grischun savess presidiar il Cussegl dals chantuns.
Natiralmain datti in cumbat en la gruppa, cun quai che er auters collegas avessan gì gugent questa posiziuns dal president dal Cussegl dals chantuns.
2007/08 è stà la davosa giada ch'in Grischun – Christoffel Brändli – è stà president dal Cussegl dals chantuns. Avant è stà Luregn Mathias Cavelty da Schluein president la perioda dal 1989/90. Tenor la Confederaziun hai dà dapi l'onn 1848 otg presidents dal Cussegl dals chantuns oriunds dal Grischun.
