Siglir tar il cuntegn

Header

video
Fin da temp en regenza grischuna per Cavigelli e Rathgeb
Or da Telesguard dals 08.12.2022.
laschar ir. Durada: 3 minutas 33 Secundas.
cuntegn

Cussegl grond Adia Mario Cavigelli e Christian Rathgeb

La davosa sessiun dals dus cussegliers guvernativs Christian Rathgeb e Mario Cavigelli va a fin. Nus dain in sguard enavos in zic ilaric e divertent sin lur carriera en la regenza.

audio
Rathgeb e Cavigelli: Il carstgaun davos il politicher
ord Actualitad dals 21.12.2022. Maletg: RTR
laschar ir. Durada: 3 minutas 42 Secundas.

Mario Cavigelli (AdC) prenda cumià suenter 12 onns en la regenza, Christian Rathgeb (PLD) suenter passa 10. Dus umens fitg differents ch'han dentant cumplettà in a l'auter, sco els sezs dian. E dus umens ch'han gronda savida e blera expertisa, quai è stà d'udir ord las retschas da deputadas e deputads. Per insatge na vegnian deputadas e deputads dentant betg a laschar encrescher, numnadamain per ils lungs votums, cunzunt da Mario Cavigelli. El na savevia magari simplamain betg cura ch'i fiss bun da chalar, è stà d'udir.

Anecdotas mo da Mario Cavigelli

Deputadas e deputads han dentant er raquintà inqual chaussa privata ed anecdota, cunzunt da Mario Cavigelli, per exempel in'anecdota ch'ha da far cun quai ch'el era en pischama en la Via da la caserna a Cuira. U autras nua ch'el è vegnì memia tard a sesidas da fracziun u schizunt en il Cussegl grond. Da Christian Rathgeb n'ha nagin vulì u pudì tradir insatge, mo el sez dals temps da militar ensemen cun Mario Cavigelli, schizunt en la medema chombra han els durmì. Detagls da quai ed anc dapli pudais tadlar en l'audio qua sut:

audio
Anecdotas e tics da Mario Cavigelli e Christian Rathgeb
ord Actualitad dals 07.12.2022. Maletg: Keystone / RTR
laschar ir. Durada: 6 minutas 31 Secundas.

RTR novitads 18:00

Artitgels legids il pli savens

Scrollar a sanestra Scrollar a dretga