Michael Pfäffli è nov parsura dal Cussegl grond evangelic dal Grischun. Il parlament ha elegì l'interprendider ed anteriur deputà da San Murezzan a la testa da l'uniun. Quai ha il cussegl communitgà.
Emprima vice-presidenta è Aita Biert da Scuol, segund vicepresident Martin Butzerin da Peist. En pli ha il cussegl acceptà unanimamain la nova lescha davart impostas e contribuziun. Quella è in'adattaziun a cundiziuns da basa statalas ch'èn sa midadas.
La cuminanza religiusa duai daventar averta per tuts
«Nus cristians essan ina cuminanza religiusa», citescha il nov parsura Pfäffli la constituziun. Sia finamira saja da s'engaschar cunter marginalisaziuns ed odi – e per ina tenuta da solidaritad ed avertadad che porscha spazi per tuttas persunas, independent da lur origin, vegliadetgna, gender e furma da viver.