Siglir tar il cuntegn

Header

Legenda: Il messadi, nua che la regenza descriva la midada da la lescha. RTR
cuntegn

Cussegl grond Il public survegn dapli access a GeoGR

L’access public a GeoGR, il center da geodatas dal Grischun, vegn schluccà. Il Cussegl grond ha decidì unanimamain d'auzar per persunas privatas il dumber da damondas singulas davart bains immobigliars. Quel era limità sin tschintg damondas per di per persuna.

Il Cussegl grond sa cunvegn sin ina schliaziun cumbinada

Persunas che sa registreschan sin GeoGR pon ussa consultar 50 giadas al di il portal. Senza registraziun è l’access limità a diesch dumondas al di. Il motiv principal per quella midada è ina reducziun concreta da la birocrazia.

Tge è GeoGR?

Avrir la box Serrar la box

Sur GeoGR vesan ins a tgi ch’in terren tutga e quant gronda che la parcella è. Mintga persuna ha il dretg da pretender infurmaziuns davart differentas datas da basa per in bain immobigliar, e quai senza restricziuns e senza stuair cumprovar in interess. Ils chantuns ston però garantir che las datas possian vegnir consultadas mo per in tschert bain immobigliar e ch'ils sistems d'infurmaziun sajan protegids cunter consultaziuns da seria.

Da mantegnair ina limitaziun saja impurtant

Il Cussegl grond ha fatg questa midada sin l'incumbensa dal deputà Gian Derungs (Allianza dal Center) che vuleva eliminar ina limitaziun cumplettamain. I saja dentant impurtant da mantegnair questa limitaziun per proteger il center da geodatas cunter consultaziuns da seria, ha argumentà la regenza. Ils access vegnan vinavant protocollads automaticamain ed ils protocols vegnan conservads durant 1 onn per la protecziun da datas. La midada davart il center da geodatas custa rodund 30milli francs.

Legenda: RTR

RTR novitads 12:00

Artitgels legids il pli savens

Scrollar a sanestra Scrollar a dretga