Siglir tar il cuntegn

Header

Legenda: Keystone
cuntegn

Cussegl grond Naginas premias per il persunal da sanadad

En il Grischun na survegn il persunal da sanadad nagina premia da corona dal chantun. Il Cussegl grond ha refusà l'incumbensa da la deputada Renate Rutishauser da la Partida socialdemocratica.

Responsabladad da las instituziuns

Tenor la regenza grischuna sajan las instituziuns da sanadad sezzas responsablas da porscher cundiziuns da lavur attractivas – quai cumpiglia era premias. Plinavant na saja betg pussibel da reparter premias gistamain ad ina entira branscha da la vart dal chantun. La pandemia haja tutgà mintga persuna en il sectur da sanadad different. Perquai sajan las instituziuns da sanadad las pli adattadas da decider, schebain il persunal da sanadad haja dabun ina premia u betg. Auter ch'en auters chantuns na saja il Grischun betg purtader da las instituziuns da sanadad.

Ils custs da la premia da corona

Tut en tut cumpigliassan ils custs per ina premia da corona per il persunal da tgira tenor calculaziuns da l'uffizi da sanadad grischun radund 6,2 milliuns francs. Quai correspundess circa ad 1 % dals custs dal persunal da sanadad en il Grischun. Las instituziuns da sanadad possian pajar questa contribuziun senza problems, manegia la regenza.

La raschun per ina premia da corona

La premia da corona duaja esser in pajament supplementar per indemnisar ils sforzs durant il temp da la pandemia. Fin ussa ha mo ina part dal persunal da sanadad en il Grischun survegni ina remuneraziun – quai entras lur instituziuns.

RTR novitads 17:00

Artitgels legids il pli savens

Scrollar a sanestra Scrollar a dretga