Tar la davosa sessiun dal Cussegl grond a Tavau hai dà 14 intervenziuns parlamentaras. Quai ha communitgà la Chanzlia chantunala.
Ina da las incumbensas pretenda che la regenza elavuria in plan d'acziun per las regiuns perifericas el Grischun. Cun quel duai vegnir fatg pli attractiv da sa chasar e lavurar en questas regiuns. La pandemia da corona haja mussà che questas regiuns daventian adina pli interessantas.
In'ulteriura incumbensa pretenda che la regenza stgaffeschia in nov sistem per prestaziun supplementaras. L’idea è da cumbatter la povradad da famiglias en il chantun, sco quai ch'i vegn gia fatg en auters chantuns.