Envidà al sport da la damaun ha la gruppa parlamentara per sport e moviment ensemen cun l'uniun da sport grischuna, l'uffizi da sport e Grischun Sport. E per dumagnar las deputadas ed ils deputads sin turas han ins organisà in profi: Annik Kälin, la purtadra da la medaglia da bronz dal campiunadi europeic en il heptatlon.
Annik Kälin ha trenà ils radund 30 deputads e deputadas da tut las partidas ch'èn s'annunziads per circa in'ura sin la Quaderwiese a Cuira, avant che quels van lura en la debatta politica. Er da la partida: Il minister da sport Jon Domenic Parolini. Sia partida, l'Allianza dal Center, ha lura schizunt gudagnà la staffetta da las fracziuns.
Bleras paralellas
Il sport e la politica hajan bler cuminaivel, dian ils participants – er en la politica saja da tegnair la dira e da sefocussar sin ina finamira. Plinavant saja far politica er in sport da team nua ch'ins stoppia far allianzas e chattar cumpromiss. E magari saja ella er ina cursa d'obstachels.
-
Bild 1 von 4. Gruppa «pista naira». Annik Kälin ha trenà cun ils pli fits da la gruppa. Bildquelle: chantun Grischun.
-
Bild 2 von 4. Sa stgaudar. Las deputadas ed ils deputads sestgaudan cun in zic yoga. Bildquelle: chantun Grischun.
-
Bild 3 von 4. La staffetta. La staffetta ha l'Allianza dal Center gudagnà – dentant tuts han dà tut. Bildquelle: chantun Grischun.
-
Bild 4 von 4. Gruppa «pista blaua». Las deputadas ed ils deputads han fatg differents exercezis per sa stgaudar. Bildquelle: chantun Grischun.