Il deputà da la PLD, Stefan Cahenzli, sa retira sin la sessiun d’avust per motivs da sanadad. Quai ha communitgà la Partida liberal-democratica. Cahenzli sesa dapi l’onn passà en il Cussegl grond. Passa 20 onns ha l'interprendider politisà en differentas funcziuns.
Legenda:
Stefan Cahenzli (2. da sanester) durant ina sessiun en il Cussegl grond.
RTR
Tranter auter è el stà set onns president communal da Trin e dudesch onns derschader a la dretgira districtuala Imboden. Tenor il sistem dal proporz dubel succeda a Cahenzli Johann-Baptista von Tscharner. Il viticultur oriund da Rehanau/Tumein surpiglia l’uffizi ils 30 d’avust.
audio
Per tadlar: las novitads da las 12:00
ord RTR Audio dals 08.08.2023.
laschar ir. Durada: 3 minutas 41 Secundas.