A la vischnanca da Tavau èsi reussì da mantegnair in edifizi ch'ha ina muntada istorica or dal temp da las grondas clinicas da cura. Quai malgrà ch'el n'è betg sut protecziun. La vischnanca ha pudì persvader ils investiders da far ina concurrenza d'architectura. Quella ha gì la finamira da chattar la meglra soluziun architectonica per mantegnair la clinica veglia e construir vitiers abitaziuns secundaras. Ils investiders han pajà radund in mez milliun per questa concurrenza.
Uschia datti uss in avegnir per l'anteriura Thurgauisch-Schaffhausische Heilstätte / Höhenklinik (TSH) – in bajetg che ha passa 112 onns. Sche tut va bain avra el l'onn che vegn sias portas, suenter esser stà vit per per bunamain 20 onns. Lura dentant sco nov hotel.
Il model dal nov bajetg
1 / 4
Legenda:
La visualisaziun dal nov hotel: La part veglia inclusiv la part nova en la costa dasper la clinica veglia.
Barão Hutter
2 / 4
Legenda:
Barão Hutter
3 / 4
Legenda:
En questa costa dasper l'hotel duai dar il nov bajetg.
RTR
4 / 4
Legenda:
RTR
La finanziaziun funcziunescha dentant be cun construir secundas abitaziuns vitiers. La finamira è che quellas na disturbian ni l'edifizi istoric ni la cuntrada pli ferm che necessari. La proposta dal biro Barão Hutter da Son Gagl ha persvas la giuria e l'investidra LIKA Group da Rotkreuz. Dasper il project victur hai dà anc trais auters projects. Quant che l'entir project vegn a custar n'è anc betg cler.
Ils termins previs
Avrir la boxSerrar la box
Stad 2023: plan da quartier / dumonda da bajegiar (sanaziun TSH)
Stad 2023: cumenzament da las lavurs da construcziun (sanaziun TSH)
Fin 2024: retratga (sanaziun TSH)
Stad 2025: cumenzament da lavurs da construcziun vi dals bajetgs novs
