La raschun saja ch'il dumber da fugitivs giaja dapi in temp adina dapli enavos, uschia Rathgeb. Entant sajan var 730 fugitivs en ils centers grischuns, 72 pertschient da las plazzas en ils centers sajan occupadas.
Sco Rathgeb di haja l'Uffizi federal da migraziun annunzià per il proxim temp damain fugitivs. Perquai discuta ins era en il Grischun davart la dumonda sch’in u l’auter center duai vegnir serrà.
Sistem volatil
Il Grischun ha in uschenumnà sistem volatil: sche blers fugitivs vegnan, pon els svelt preparar dapli plazzas. Sch’igl è percunter pli quiet, vegni puspè fabritgà enavos. I saja però difficil da valitar sche dapli u damain fugitivs vegnian, di Christian Rathgeb. Quai che saja vegnì fatg enfin qua è reducir il persunal en ils centers. Persunas che hajan terminà da lavurar na sajan betg pli vegnidas remplazzadas.
RR novitads 17:00