Dapli pernottaziuns per la Svizra

La svizra ha il 2017 gì ina buna stagiun da stad. L'Uffizzi federal per statistica ha dumbrà 21,3 milliuns pernottaziuns. Quai èn 1,2 milliuns pernottaziuns dapli ch'il 2016.

Clavs da chombras. Bild in Lightbox öffnen.

Legenda da maletgs: Per la stad 2017 ha l'Uffizi federal per statistica dumbrà 21,3 milliuns pernottaziuns dapli. Keystone

Dal matg enfin l'october ha il Grischun dumbrà en tut 2,2 milliuns pernottaziuns. Quai èn 122'000 dapli che la stad avant in onn ubain in augment da 5,9%. Tenor las cifras da l'Uffizi federal da statistica han las destinaziuns da Cuira, Tavau/Claustra, Val e Flem/Laax nudà ils pli gronds augments.

gr Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. Cifras da l'Uffizi federal da statistica (2005-2016)

Dapli esters e dapli Svizzers

Profità da l'augment han tut las 13 regiuns turisticas. En tut ha la hotellaria svizra nudà la stad 2017 21,3 milliuns pernottaziuns. Quai è in plus dad 1,2 milliuns pernottaziuns. La cumpart da turists da l'exteriur è s'augmentada per varga 7% sin 12,1 milliuns. Quai èn 7,3% dapli che l'onn passà.

Il pli fitg èn las dumondas da turists da l'America s'augmentadas, numnadamain cun 154'000 pernottaziuns dapli (+12,7%) ch'en il il medem temp dal 2016. Però era ils giasts asiatics èn cun in plus da 12,5% ed ils giasts da l'India cun in plus dad 11,8% responsabels per il surpli. Il dumber da pernottaziuns da giasts svizzers è medemamain creschì per 356'000, quai che munta ad in plus da 4%.

RR novitads 10:00