Sin l'autostrada A13 datiers da Cuira ha in um da 57 onns fatg in manever spezial dumengia saira: L'emprim ha l'automobilist anc prendì la correcta sortida a Cuira-sid en direcziun Turitg - alura è dentant sa manà sin l'autostrada e charrà enavos sin il fauss vial en direcziun San Bernardino. Suenter cnapp 400 meters ha el remartgà ses sbagl ed ha danovamain manà ses auto sin l'autostrada. Datiers da Landquart ha la Polizia chantunala alura franà l'auto ed il manischunz da l'exteriur ha stuì dar giu ses permiss dad ir cun auto anc al lieu.
In automobilist ch'era medemamain da viadi da quellas uras haja persequità l'auto ed adina puspè annunzià nua ch'el sa chattia, scriva la Polizia chantunala.
audio
RTR Novitads da las 17:00
ord RTR Audio dals 26.09.2022.
laschar ir. Durada: 5 minutas 13 Secundas.