Datiers da Razén hai brischà en in vagun da la Viafier retica la gievgia avantmezdi. Tut las persunas èn vegnidas evacuadas – i n'haja dà nagins blessads. Quai ha communitgà la Polizia chantunala.
In locomotivist che vegniva encunter haja vesì il fim curt avant mesa las 11. Il locomotivist dal tren pertutgà – ch'era sin via a Tusaun – haja sinaquai tegnì airi immediat e stizzà il fieu cun agid d'in stizzafieu.
Per evacuar e transportar davent ils radund 100 passagiers haja la polizia stuì serrar temporarmain tant il traject da viafier sco era la via chantunala. Ils passagiers hajan pudì continuar lur viadi cun bus da substituziun.
