La regenza ha dà glisch verda al nov master «Digital Communication and Creative Media Production» da la Scola auta spezialisada dal Grischun en cooperaziun cun l'Universitad da Friburg. Sco che la regenza scriva en ina communicaziun, gidia il nov studi da cuntanscher lur finamiras en il sectur digitalisaziun ed innovaziun.
Master cumenza gia d'atun
Il nov studi vegn ad esser accessibel per students e studentas che han fatg in bachelor en producziun multimediala a la FHGR u in diplom da bachelor en scienza da medias u da communicaziun en in autra scol'auta svizra.
Il studi mettia il focus sin la midada da structura da la communicaziun da la societad en ils secturs commerzials, publics e privats, scriva la regenza vinavant. Il studi cumenza per l'onn da scola 2023/2024.
