Las taxas da traffic en il Grischun vegnan pli favuraivlas il 2023. La regenza ha approvà la revisiun totala da l'ordinaziun correspundenta. Las reducziuns sajan tranter in pér francs fin a maximalmain 120 francs, scriva la regenza en ina communicaziun. Da tge taxas ch'i sa tracta na scriva la regenza betg. Singulas taxas vegnian era auzadas, perquai ch'ellas na cuvrian betg ils custs da la prestaziun da l'Uffizi per il traffic. Las midadas pertutgian radund dus terz da las taxas.
Ina ulteriura midada pertutga numers e vignettas da mopeds. Quellas survegnan ins en il futur be pli tar l'Uffizi per il traffic e betg pli tar la vischnanca.
audio
Per tadlar: las novitads da las 10:00
ord RTR Audio dals 24.11.2022.
laschar ir. Durada: 4 minutas 6 Secundas.
