Siglir tar il cuntegn

Header

video
Occurenzas vegnan annulladas, malgrà schluccadas da mesiras da corona
Or da Telesguard dals 01.06.2021.
laschar ir
cuntegn

Decisiuns regenza Chantun cuntinuescha cun testar

Il Grischun cuntinuescha cun ses program da testar almain enfin il settember, communitgescha il chantun. Quai munta, ch'i vegn vinavant fatg tests regulars en fatschentas e scolas, per evitar ina derasaziun suenter las vacanzas da stad.

Proxima decisiun datti l'avust

L'avust vegnia la situaziun lura examinada da nov, declera il minister da sanadad dal Grischun, Peter Peyer:

Dad ina vart èsi da guardar quantas persunas ch'èn fin là vaccinadas, quant gronda che la prontadad è da sa laschar vaccinar, ma er quant gronda che la prontadad è da sa participar als tests da fatschenta e natiralmain èn era las finanzas in factur.
Autur: Peter Peyerminister da sanadad dal chantun Grischun

Per l’entira campagna da test ha il chantun budgetà radund 12,5 milliuns francs. Enfin uss saja la situaziun finanziala anc buna, dentant vegnian quels daners ad esser duvrads si insacura, di Peyer. Co i giaja vinavant cun tests en scola, dependia er sch'i dettia ina giada in vaccin che saja er lubì per uffants.

Occurrenzas grondas

Il maraton da velos «Alpen Challenge» a Lai, in gieu dal team da football Calanda Broncos a Cuira, ina manifestaziun cun concerts da Khur.ch ed ils dis da chavals a Maiavilla. Quai èn las quatter occurrenzas da pilot ch'il chantun lubescha il zercladur.

La raschun che gist quellas occurrenzas vegnan lubidas èn tenor Peter Peyer, ch'ins vuleva occurrenzas ord tuttas spartas e different grondas. Pia sport, cultura, societad ed il sectur public.

Da la Confederaziun anora dastga mintga chantun far tschintg occurrenzas. Il chantun saja per il mument vid sclerir sche e tge 5avla occurrenza ch'i vegnia a dar il zercladur.

Las sfidas dal chantun da tscherner las differentas occurrenzas pudais Vus tadlar qua:

RTR novitads 17:00

Artitgels legids il pli savens

Scrollar a sanestra Scrollar a dretga