Siglir tar il cuntegn
Inhalt

Grischun «Decleraziun da bancrut»

Per il plan d'instrucziun 21 mancan ils novs meds da scola en rumantsch e talian per gronda part. Per tudestg èn els quasi cumplets. Quai chaschuna critica. Tant da la Pro Grigioni Italiano sco da la Lia Rumantscha.

Legende: Audio Mezdi: Plan d'instrucziun 21 – daco hai nagins meds d'instrucziun per rumantsch e talian abspielen. Laufzeit 03:39 Minuten.
03:39 min, Actualitad dals 17.08.2018.

«Quai è ina decleraziun da bancrut dal chantun» di Conradin Klaiss, manader da la partiziun meds d'instrucziun da la Lia Rumantscha. El reagescha cun quai sin ina remartga da Josy Künzler (manadra da project meds da scola tar l'Uffizi chantunal da scola) envers RTR, che scolars e magisters rumantschs na vegnan probabel mai ad avair meds d'instrucziun adequats. Er il directur da scola Martin Jäger s'ha exprimì quest'emna en quel senn.

Er Giuseppe Falbo, secretari general da la Pro Grigioni Italiano crititgescha la tenuta dal chantun sco er la situaziun dals meds d'instrucziun per talian e rumantsch. Il stadi stoppia garantir l'instrucziun. E perquai metter a disposiziun meds 'd'instrucziun adequats.

RR actualitad 12:00