900 pèrs han festivà nozzas il 2022. Da quai 12 da la medema schlattaina. E 7'110 han bandunà il Grischun, dentant èn er 8'718 persunas sa chasadas qua. Quai in pèr da las cifras da l'Uffizi federal da statistica per il 2022.
Grischun ha ina da las pli autas quotas da vegliadetgna
La populaziun èn il Grischun è plitost veglia, cumpareglia cun la media Svizra. Per mintga persuna en la vegliadetgna da pensiun vivan 2,62 persunas tranter 20 e 64 onns qua. Be en trais chantuns e la populaziun anc pli veglia. En l'entira Svizra è la quota circa 1:3,2.
Radund 360 dapli mortoris che naschientschas hai dà il 2022. La populaziun totala è tuttina creschida il 2022, damai che persunas or d'auters chantuns e da l'exteriur èn sa chasadas tar nus.
