Cuira duai daventar ina citad senza autos. Quai ha il moviment per il clima da Cuira pretendì a sia terza demonstraziun. Sco il moviment scriva, èn radund 150 persunas sa participadas a la demonstraziun sin l'Alexanderplatz a Cuira. Suenter èn ellas idas cun velo tras citad per render attent ad auta vusch sin lur pretensiun.
Impressiuns da la demonstraziun
Suenter la demonstraziun hai dà en la Biblioteca da la citad da Cuira ina runda da discussiun davart il tema citad senza autos. Ins haja discussiunà la visiun senza autos e tschertgà schliaziuns per problems pussaivels. Divers experts da traffic hajan purtà en lur savida dal fatg.