L'onn social, ina da sis purschidas per furmaziun transitorica en il chantun Grischun ha lieu quest onn per la davosa giada. Il Departament d'educaziun dal Grischun na prolunghescha betg il mandat da prestaziun suenter l'onn da scola 2023/24.
L'onn social grischun
Avrir la boxSerrar la box
L'onn social grischun è vegnì fundà l'onn 1972 da las uniuns Compagna Grischun e l'Agid grischun evangelic a las dunnas.
L'onn social grischun ha pussibilità a scolaras e scolars tranter auter d'absolver praticums en ospitals, en chasas da dimora u en canortas d'uffants. Cumplementarmain a quai frequentan ils giuvenils ina scolaziun durant 12 emnas a Cazas.
La dumonda per furmaziuns transitoricas saja adina pli pitschna, cunquai ch'il dumber da scolars che fineschan la scola sa reduceschia adina dapli, ed ina pli gronda part chattia direct ina plazza d'emprendissadi, scriva il Departament d'educaziun dal Grischun. Perquai hajan ins decis da stritgar la purschida.