Siglir tar il cuntegn

Header

Navigaziun

cuntegn

Grischun Dependenza d'agid social en il Grischun resta stabila

2'697 Grischunas e Grischuns han retratg agid social l'onn 2017. Var dus terzs da las persunas sustegnidas èn confruntadas cun grondas sfidas finanzialas pervi da lur vegliadetgna, situaziun famigliara, situaziun da sanadad u pervi da lur scolaziun. Quai mussan las novas cifras da l'Uffizi federal da statistica per il chantun Grischun. En cumparegliaziun cun il 2016 èn las cifras restadas relativamain stabila.

Agid social - l'ultima rait

Personen-Box aufklappenPersonen-Box zuklappen

En il cas che persunas svizras crodan en ina situaziun finanziala d'urgenza, pon ellas sa drizzar a l'agid social. Quai è l'ultima rait retegnida e garantescha a la persuna in minimum d'existenza. Quai dentant be, sche l'atgna paja, auters agids finanzials sco rentas e stipendis na tanschan betg pli per viver.

La quota da persunas en il Grischun che dovran agid social è restada stabila ils ultims 10 onns. Il dumber è sa stabilisà durant quests onns sin in livel da tranter 1,2% ed 1,4% da la populaziun Grischuna. La quota d'agid social en l'entira Svizra è pli che dubel uschè auta che la quota grischuna.

RR novitads 09:00