Siglir tar il cuntegn

Header

audio
Di da marca Grischun: Persistenza – schanzas e sfidas
Or da Actualitad dals 18.11.2022. Bild: MAD
laschar ir. Durada: 3 minutas 21 Secundas.
cuntegn

Di da marca «graubünden» 2022 Persistenza credibla e tenuta politica

La marca «graubünden» ha infurmà davart lur strategia persistenta. Co che quella vegn percepida a moda credibla han referentas e referents explitgà al di da marca 2022 a Cuira.

«La marca grischun sa sto obliar dad esser persistenta», uschia statti sin la pagina da l'administraziun da la marca. Quai saja la premissa per sviluppar vinavant l'uschenumnada «metropola da natira» Grischun a moda onesta e credibla.

In pled da moda

La persistenza saja in pled da moda che vegn duvrà inflaziunar, di Dominique von Matt, expert da reclama e fundatur da l'agentura da reclama Jung von Matt en ses referat. Schi'ns vul evitar in «shitstorm», pia l'indignaziun culminada en la rait che po chaschunar in donn d'image, stoppia ins duvrar quel pled a moda credibla.

Dominique von Matt, expert da reclamas e medias
Legenda: Prof. Dr. Dominique von Matt L'expert da reclamas ha fundà ed è president dal cussegl d'administraziun da Jung von Matt. mad/Alice Das Neves
La communitad en la rait è uschè alerta e sensibla en la chaussa che persistenza pretendida vegn svelt demascrada.
Autur: Prof. Dr. Dominique von Matt Expert da medias e reclamas

En il Grischun na saja la credibladad dentant betg in grond problem, di Dominique von Matt. L'entira istorgia da communicaziun da la marca «grischun» saja marcada da credibiltad e da betg empermetter memia bler. Il Grischun saja transparent en sia communicaziun e conceda che la persistenza saja anc en elavuraziun e betg anc cuntanschida, lauda l'expert, ch'ha gidà a crear la campagna da «Gian e Giachen».

Prender posiziun politica

En connex cun temas sco la persistenza saja per affars dentant impurtant da sa posiziunar activamain politic. Quai di er la mainagestiun da l'interpresa da vestgadira da sport «Vaude» ch'ha preschentà en in segund referat la strategia persistenta da l'affar tudestgch. Er sch'ins possia perder a curta vista clientella haja ina tenuta politica sin lunga vista in effect positiv. Da quai è er Gieri Spescha, manader da la marca «grischun», conscient.

Ina posiziun clera en connex cun la persistenza è in punct central en il futur.
Autur: Gieri Spescha mainagestiun da la marca «graubünden»

Part d'ina tenuta politica saja ch'in futur possia er dar sditgas a partenarias da la marca «grischun» sche quels na partian betg las valurs da persitenza da la marca «grischun». Enfin uss na saja quai dentan betg anc stà il cas.

Quatter champs d'acziun

La persistenza haja ina dimensiun ecologica, economica e sociala. Cun partenarias e partenaris che represchentan quellas dimensiuns ha la marca «grischun» elavurà quatter champs d'acziun en in lavuratori. Quels sa cumponan – formulà curt – da partir savida, crear finamiras liantas, controllar quellas e communitgar ils resultats. Actualmain vegnan quels champs anc planisads en detagl e duain vegnir realisads en collavuraziun cun concessiunarias e partenaris.

RTR actualitad 17:00

Artitgels legids il pli savens

Scrollar a sanestra Scrollar a dretga